|
|
|||||
| |
||||||
|
|
|
Ynglyn â ni - Mae’r Gwasanaeth Prawf Cenedlaethol yn asiantaeth statudol sy’n darparu amrediad eang o wasanaethau i’r Llysoedd ac i’r System Cyfiawnder Troseddol. Gweledigaeth - Parhau i fod yn un o’r Ymddiriedolaeth Prawf gorau o ran perfformiad yng Nghymru a Lloegr gan gynyddu hyder y cyhoedd mewn cyfiawnder troseddol, lleihau aildroseddu a diogelu’r cyhoedd, oherwydd ein rhagoriaeth o ran asesu troseddwyr, cynllunio dedfrydau a darparu ymyriadau a chanlyniadau cynlluniau dedfrydu. Gwerthoedd
- Y gwerthoedd sy’n cyfrif ac sy’n ymwneud â phopeth
a wnawn: Nodau •
Bydd Ymddiriedolaeth Prawf Dyfed Powys yn dal i weithredu fel sefydliad
arloesol a mentrus sy’n darparu gwasanaethau o ansawdd a gafodd
eu comisiynu gan y Gwasanaeth Rheoli Troseddwyr Cenedlaethol ym meysydd: • Bydd yr Ymddiriedolaeth yn cyfrannu at wneud cymunedau’n lleoedd diogelach i'r rhai sy’n byw ac yn gweithio ynddynt ac yn ymweld â nhw trwy gynyddu ad-dalu'r gymuned mewn ffordd amlwg, cefnogi dioddefwyr troseddau difrifol a chael cymunedau lleol i gyfranogi yn y broses o reoli ac ailsefydlu troseddwyr. • Bydd y cyhoedd yn cael eu diogelu’n well a bydd llai o aildroseddu oherwydd cyfraniad pawb yn Ymddiriedolaeth Prawf Dyfed Powys tuag at ddarparu gwasanaeth yn effeithiol, â chefnogaeth rheolaeth deg a chadarn a llywodraethu da gan y Ymddiriedolaeth Prawf. • Bydd cynhwysiant cymdeithasol ac adnewyddu sifil yn cael eu hyrwyddo wrth i Ymddiriedolaeth Prawf Dyfed Powys weithio ar y cyd â chymunedau lleol ac â phartneriaid yn Ardaloedd Prawf Cymru, Gwasanaeth Carchardai EM, Byrddau Cyfiawnder Troseddol Lleol, Partneriaethau Diogelwch Cymunedol, Llywodraeth Cynulliad Cymru a’r rhai yn y sectorau annibynnol a gwirfoddol. • Defnyddir adnoddau yn seiliedig ar orchmynion
y Llysoedd a’r risg a ddaw o bob troseddwr yn unol â: • Bydd y Dylunio Gwasanaeth ar gyfer Ymddiriedolaeth Prawf Dyfed Powys yn seiliedig ar ddarparu arferion gorau yn unol â daearyddiaeth, amrywiaeth a demograffeg yr Ardal, gyda strwythurau staffio a rheoli clir er mwyn gwneud y defnydd gorau o adnoddau a chyflawni amcanion a thargedau busnes. Nodau yn y NPS - Nodau’r Gwasanaeth Prawf Cenedlaethol yw (1)diogelu’r cyhoedd, (2) lleihau aildroseddu, (3) cosbi troseddwyr yn gywir yn y Gymuned, (4) sicrhau bod troseddwyr yn ymwybodol o effeithiau troseddu ar ddioddefwyr troseddau a’r cyhoedd, a (5) ailsefydlu troseddwyr. Rheoli troseddwyr ac ymyriadau - Er mwyn cyflawni’r nodau hyn mae gan Ymddiriedolaeth Prawf Dyfed Powys strwythur sy'n cynnwys pedair Uned Rheoli Troseddwyr, sy’n cydredeg ag Unedau Rheoli Sylfaenol Dyfed-Powys, ac Uned Ymyriadau. Bu’r Uned Ymyriadau’n canolbwyntio ar: gwaith di-dâl; rhaglenni achrededig; adsefydlu cyffuriau; triniaeth alcohol; sgiliau am oes; cyflogaeth; addysg a hyfforddiant; llety; a chyngor ynglyn â buddion ariannol a dyled. Daearyddiaeth ac amrywiaeth - Mae Ymddiriedolaeth Prawf Dyfed Powys yn cynnwys Siroedd Caerfyrddin, Ceredigion, Penfro a Phowys, arwynebedd o 4,188 o filltiroedd sgwâr, sef tua 55% o dirfas Cymru. Mae 46% o’r boblogaeth o 476,000 yn siarad Cymraeg ac mae 0.97% yn dod o grwpiau lleiafrifol ethnig (Y data wedi ei gymryd o ffigurau Cyfrifiad 2001). Y staff a'r bwrdd - Mae Ymddiriedolaeth Prawf Dyfed Powys yn cyflogi 220 o staff. Mae 33% o’r rhain yn ddynion, 67% yn fenywod, mae gan 7% anabledd, mae 18% yn siarad Cymraeg ac mae 1.53% yn dod o grwpiau lleiafrifol ethnig. Mae gan y Bwrdd Prawf 11 aelod, sy’n cynnwys Cadeirydd, Prif Swyddog a Barnwr, gyda chefnogaeth Ysgrifennydd a Thrysorydd. Y gyllideb - Y gyllideb ar gyfer 2007/08 yw £8.3m. Mae costau staff yn cyfrif am 75% o’r gyllideb bresennol ac mae 10% yn cael ei wario ar ariannu partneriaeth er mwyn cefnogi gwaith gyda throseddwyr mewn perthynas â chamddefnyddio sylweddau, sgiliau am oes, mentora, llety ac ati. Mae hyn yn golygu contractio gyda nifer o sefydliadau yn y sectorau gwirfoddol, cymunedol a phreifat er mwyn cyflawni gwasanaethau. Adroddiadau - Mae Ymddiriedolaeth Prawf Dyfed Powys yn paratoi 2,700 o adroddiadau ar gyfer Llysoedd a Charchardai dros gyfnod o 12 mis gan roi asesiadau sy’n cynorthwyo gyda phenderfyniadau ynghylch dedfrydu a rhyddhau o garchar. Troseddwyr - Ar hyn o bryd mae Ymddiriedolaeth Prawf Dyfed Powys yn goruchwylio tua 1,400 o droseddwyr. O’r rhain, mae 87% yn ddynion a 13% yn fenywod a daw 1.6% o grwpiau lleiafrifol ethnig. Mae 31% o’r troseddwyr dan 25 mlwydd oed. Mae proffil perygl o niwed yr Ardal yn dangos bod 16% o droseddwyr yn y categorïau perygl uchel neu uchel iawn. Gwaith di-dal - Ar unrhyw adeg bydd tua 335 o droseddwyr wedi eu dedfrydu i waith di-dâl. Yn ystod un flwyddyn, bydd 55,709 o oriau’n cael eu gweithio yn y Gymuned ar brosiectau sydd, er enghraifft, yn hyrwyddo Diogelwch Cymunedol ac yn gwella’r amgylchedd. Dewisir y prosiectau hyn ar y cyd â phedair Partneriaeth Diogelwch Cymunedol yr Ymddiriedolaeth, gyda sefydliadau gwirfoddol lleol a’r cyhoedd a all enwebu prosiect trwy ddolen Ad-dalu'r Gymuned ar y wefan (gweler uchod). Statws cyflogaeth - Mae cofnodion yn dangos fod 56% o’r troseddwyr y mae Ymddiriedolaeth Prawf Dyfed Powys yn eu goruchwylio yn ddi-waith, bod 28% yn gyflogedig a bod 16% yn economaidd anweithgar. Sgilliau am oes - Mae gan 90% o’r troseddwyr sy’n cael eu goruchwylio gan Ymddiriedolaeth Prawf Dyfed Powys sgiliau Mathemateg a/neu Saesneg sydd ar y lefel a ddisgwylir gan berson 14 oed (Cyfnod Allweddol 3). O blith y rhain, mae hanner heb ennill y cymhwyster a ddisgwylir gan berson 11 oed (Cyfnod Allweddol 2). (Y ffigurau gan yr Arolwg o Sgiliau Sylfaenol Troseddwyr). Camddefnyddio sylweddau - Yn achos 47% o’r troseddwyr y mae Ymddiriedolaeth Prawf Dyfed Powys, yn eu goruchwylio, mae cysylltiad sylweddol rhwng y defnydd o alcohol a throseddu. Y ffigur ar gyfer y defnydd o gyffuriau yw 27%. Cysylltu a'r dioddefwyr - Bob blwyddyn, bydd Ymddiriedolaeth Prawf Dyfed Powys yn dod i gysylltiad â thua 200 o ddioddefwyr troseddau rhyw neu droseddau treisgar difrifol. Mae hyn yn digwydd mewn achosion pan fo’r troseddwr wedi ei ddedfrydu i un flwyddyn neu fwy o garchar, neu wedi cael ei gadw mewn ysbyty â chyfyngiadau ynglyn â gadael. Bydd y Swyddog Cyswllt Dioddefwyr yn cynnig dod i gysylltiad cychwynnol â dioddefwyr o fewn wyth wythnos i’r dyddiad dedfrydu fel y gallant gael gwybodaeth am y broses ddedfrydu a datgan eu barn ynglyn â'r achos. Byddwch cystal â phori’r gwefannau a ganlyn i gael rhagor o wybodaeth am waith y Gwasanaeth Prawf yn genedlaethol ac yng Nghymru ac am y System Cyfiawnder Troseddol yn gyffredinol. North Wales Probation Area website South Wales Probation Trust website National Probation Directorate website Dyfed-Powys Local Criminal Justice Board website Criminal Justice System website
|
|