Ymddiriedolaeth Prawf Dyfed Powys

Derbyniwyd ymddiheuriadau am absenoldeb oherwydd tywydd gwael gan Mr Neil Bale (a oedd wedi mynd i Swyddfa’r Drenewydd er mwyn cymryd rhan trwy gyswllt fideo ond a rwystrwyd rhag gwneud hyn oherwydd problemau technegol), Mr Owen Watkin a Mrs Ann Williams

80 – 2009/10 Datganiadau o Fudd

Ni chafwyd unrhyw ddatganiadau o fudd.

81 – 2009/10 Cofnodion Cyfarfod y Bwrdd ar 1 Rhagfyr 2009

Cadarnhawyd bod cofnodion y cyfarfod diwethaf yn gofnod cywir ac fe’u llofnodwyd.

.2 Materion yn Codi

.1 Adroddiadau Pwyllgorau : Cydbwyllgor Trafod ac Ymgynghori (cof. 72.2)

Roedd y WPTPB ar 3 Rhagfyr wedi cadarnhau bod Fforwm Ochr y Cyflogwyr a Staff Cymru Gyfan yn gorff gweithredol a oedd yn gwneud argymhellion i Bartneriaeth Brawf Cymru/WPTPB.

82 – 2009/10 Nodi Eitemau Ychwanegol i'w Trafod

Ni chafodd unrhyw faterion eu cyflwyno i’w hystyried yn faterion ychwanegol brys.

83– 2009/10 Cyhoeddiadau’r Cadeirydd

.1 Cyhoeddiadau Ysgrifenedig

Cyflwynwyd rhestr ysgrifenedig o ymrwymiadau’r Cadeirydd ers y cyfarfod diwethaf.

Penderfynwyd derbyn cyhoeddiadau ysgrifenedig y Cadeirydd

.2 Adroddiad llafar ar gynnydd dan Brosiect Cymru'n Un

Gan dynnu ar gynnwys adroddiad ysgrifenedig y Prif Weithredwr (gweler cofnod 84) ac yng nghyd-destun oedi yng nghyhoeddiad y Gweinidog a ddisgwyliwyd yn wreiddiol tua 4 Ionawr 2010, rhoddodd y Cadeirydd ddiweddariad ar ddatblygiadau a chyfarfodydd yn ymwneud â phrosiect Un Ymddiriedolaeth i Gymru ers cyfarfod diwethaf Bwrdd yr Ymddiriedolaeth. Roedd yr adroddiad llafar yn cynnwys crynodeb o fusnes cyfarfodydd Bwrdd Partneriaeth Brawf Cymru (WPPB) a Bwrdd Prosiect Ymddiriedolaethau Prawf Cymru (WPTPB) a gynhaliwyd ar 5 Ionawr 2010. Nodwyd bod cyfarfodydd o WPPB a WPTPB wedi’u trefnu ar gyfer 2 Chwefror 2010 a 2 Mawrth 2020 a bod y ffrydiau gwaith yn parhau i ymdrin â materion trawsnewid (wedi’u cymhlethu a’u gwneud yn anos gan yr oedi yng nghyhoeddiad y Gweinidog am ganlyniad y cais).

Rhoddwyd gwybod i aelodau am ganlyniadau positif y cyfarfod gydag ASau yn Nhy’r Cyffredin ar 15 Rhagfyr 2009 a’r cyfweliad ffurfiol ar 18 Rhagfyr. O ran yr oedi i gyhoeddiad y Gweinidog, adroddwyd bod y Cyfarwyddwr Rheoli Troseddwyr wedi dweud mewn e-bost dyddiedig 4 Ionawr 2010 fod cais i argymell cymeradwyo cais Ymddiriedolaeth Cymru wedi ei anfon at y Gweinidog i'w ystyried cyn y Nadolig a bod cyfarfod rhwng y Cyfarwyddwr a’r Gweinidog wedi’i drefnu ar gyfer 14 Ionawr. Er mwyn sicrhau bod momentwm y prosiect yn cael ei gynnal, roedd y Cyfarwyddwr Rheoli Troseddwyr wedi gofyn i bwynt cyswllt Cymru fwrw ymlaen â’r cyfarfod cychwynnol, yn amodol ar gael cymeradwyaeth, er mwyn i’r trefniadau cyfreithiol a llywodraethol fod yn eu lle erbyn 1 Ebrill 2010.

Tynnwyd sylw at y materion a ganlyn:

y gofyniad i gyflwyno enw’r Ymddiriedolaeth newydd, a gadarnhawyd fel Ymddiriedolaeth Brawf Cymru i NOMS erbyn 21 Ionawr;

y ddealltwriaeth, fel yr adroddwyd wrth gyfarfod diwethaf WPPB, y byddai cystadleuaeth agored ar gyfer swyddi’r Cadeirydd a’r Prif Weithredwr ac y byddai cyfweliadau yn cael eu cynnal, yn amodol ar gyhoeddiad cynnar gan y Gweinidog, ar 14 a 15 Ionawr;

cefnogaeth barhaus yr Undebau Llafur i brosiect Un Ymddiriedolaeth i Gymru;

y gofyniad i holl Ymddiriedolaethau/Ardaloedd Prawf Cymru yn unigol anfon cadarnhad i NOMS erbyn 21 Ionawr eu bod yn bwriadu symud i statws un Ymddiriedolaeth;

y bwriad a gyhoeddwyd i amrywio trwy gyfrwng Hysbysiad am Newid y cyfnod rhybuddio a nodir yn y contract presennol â’r Ysgrifennydd Gwladol o dri mis i 30 niwrnod;

ystyriaeth barhaus gan Uwch Farnwr Llywyddol Cymru a Lloegr o swyddogaeth ynadon ar Ymddiriedolaethau Prawf.

Cadarnhaodd y cyfarfod fwriad ystyriol a phendant y Bwrdd i symud i statws Un Ymddiriedolaeth i Gymru trwy uno â thair ardal arall Cymru ac awdurdodwyd y Cadeirydd i hysbysu NOMS am hynny.

Penderfynwyd:

.1 derbyn yr adroddiad llafar;

.2 Hysbysu NOMS bod Bwrdd yr Ymddiriedolaeth yn dal i fwriadu symud i statws Un Ymddiriedolaeth i Gymru.

84 – 2009/10 Adroddiad y Prif Weithredwr

Derbyniodd y cyfarfod adran agored adroddiad ysgrifenedig y Prif Weithredwr.

Atodiadau i’r adroddiad a gyflwynwyd:

Porth y Gwasanaeth Prawf Cenedlaethol 18 Rhagfyr 2009: Digwyddiad i Uwch Arweinwyr – dilyniant;
Nodiadau WPPB 3 Rhagfyr 2009
Fforwm Cyflogwyr Prawf ac Ochr y Staff: Neges ar y Cyd
Adroddiad Contract FfRhP Tachwedd 2009
Cofnodion Cyfarfod Rhanbarthol Iaith Gymraeg 7 Rhagfyr 2009
Nodiadau o gyfarfod y Grwp Cyfathrebu ar 18 Rhagfyr 2009
Fforwm Arweinyddiaeth yr Ardal 17 Rhagfyr 2009: Briffiad y Prif Swyddog

Tynnwyd sylw arbennig at adrannau ar ddatblygiadau ar NOMS a’r cais am Un Ymddiriedolaeth i Gymru.

Penderfynwyd derbyn adran agored adroddiad y Prif Weithredwr

85 – 2009/10 Adroddiadau Pwyllgorau

.1 Pwyllgor Archwilio: 12 Ionawr 2010

Cyflwynodd Mr Ian Cripwell, a oedd, yn absenoldeb Cadeirydd y Pwyllgor, wedi cadeirio cyfarfod y Pwyllgor Archwilio a gynhaliwyd yn gynharach ar 12 Ionawr, adroddiad llafar ar fusnes y cyfarfod hwnnw. Cyfeiriwyd yn arbennig at benderfyniad y Pwyllgor i gadarnhau'r Strategaeth Archwilio Allanol a'r ffi ar gyfer 2009/10 ac i oedi cyflwyno cynigion am strategaeth Archwilio Mewnol ar gyfer 2010/11 nes y byddai manylion am strwythur y ddarpariaeth brawf yng Nghymru o 1 Ebrill 2010 wedi eu cyhoeddi.

Nodwyd bod cyfarfod arbennig o’r Pwyllgor Archwilio wedi ei alw ar gyfer 23 Mawrth 2010 i dderbyn adroddiadau pellach dan Strategaeth Archwiliad Mewnol 2009/10.

Penderfynwyd derbyn yr adroddiad llafar

.2 Y Cydbwyllgor Trafod ac Ymgynghori: 1 Rhagfyr 2009

Derbyniodd y cyfarfod gofnodion heb eu cadarnhau o gyfarfod y Cydbwyllgor ar 1 Rhagfyr 2009. Ynglyn â’r adroddiad llafar a gyflwynwyd i gyfarfod diwethaf Bwrdd Yr Ymddiriedolaeth, nodwyd bod sylwadau wedi eu gwneud i NOMS ar ran y WPPB ynglyn â darpariaethau’r Cynllun Trosglwyddo Staff drafft.

Penderfynwyd derbyn y cofnodion heb eu cadarnhau

.3 Y Pwyllgor Iechyd a Diogelwch: 1 Rhagfyr 2009

Derbyniodd y cyfarfod y cofnodion heb eu cadarnhau o gyfarfod y Pwyllgor Iechyd a Diogelwch ar 1 Rhagfyr 2009. Roedd adroddiad llafar ar fusnes y cyfarfod hwnnw wedi ei gyflwyno i gyfarfod diwethaf Bwrdd Yr Ymddiriedolaeth.

Penderfynwyd derbyn y cofnodion heb eu cadarnhau

86 – 2009/10 Materion i’w Penderfynu

.1 Cynllun Busnes 2010/11

Gan dynnu ar ddarpariaethau’r cyflwyniad Un Ymddiriedolaeth i Gymru, cymeradwyodd y cyfarfod gynigion ar gyfer Cynllun Busnes yr Ymddiriedolaeth ar gyfer 2010/11 (pe bai’r trefniadau presennol yn parhau ar ôl 31 Mawrth 2010). Adroddwyd bod yna gynigion tebyg yn ardaloedd eraill Cymru a bod y Cyfarwyddwr Rheoli Troseddwyr yn cefnogi’r ymagwedd hon at gynllunio busnes yn ystod cyfnod o ansicrwydd.

Penderfynwyd derbyn cynigion ar gyfer Cynllun Busnes Ymddiriedolaeth Brawf Dyfed Powys ar gyfer 2010/11

.2 Ariannu’r Tîm Troseddu Ieuenctid 2010/11

Derbyniodd y cyfarfod adroddiad ysgrifenedig yn nodi cynigion ar gyfer ariannu’r Tîm Troseddu Ieuenctid ar gyfer 2010/11 a oedd yn werth £339,572 wedi ei rannu i’r un cymarebau canran ag yn 2009/10, sef Sir Gaerfyrddin 35%, Ceredigion 15%, Sir Benfro 25% a Phowys 25%. Nodwyd y câi ariannu’r Tîm Troseddu Ieuenctid ar gyfer 2011/12 ei adolygu yn ystod 2010/11.

Penderfynwyd cymeradwyo cynigion ar gyfer ariannu’r Tîm Troseddu Ieuenctid ar gyfer 2010/11

.3 Adolygiad Polisi: Strategaeth Cyfathrebu a Chysylltiadau Cyhoeddus

Roedd adroddiad ysgrifenedig yn ceisio cymeradwyaeth i Bolisi a Strategaeth Cyfathrebu a Chysylltiadau Cyhoeddus diwygiedig (fe’i adolygwyd diwethaf yn Ionawr 2007)

Penderfynwyd cymeradwyo’r Polisi Strategaeth Cyfathrebu a Chysylltiadau Cyhoeddus diwygiedig a’i adolygu eto cyn pen 12 mis.

87 – 2009/10 Mater i’w Drafod

.1 Cynllun Busnes 2009/10

Gan barhau â’r adolygiad o berfformiad trwy’r hanner blwyddyn a ddechreuwyd yn y cyfarfod diwethaf, roedd adroddiad ysgrifenedig yn gyfle i gael adolygiad hanner blwyddyn o gynnydd dan Gynllun Busnes 2009/10. Roedd yr adroddiad, a ddarllenwyd ar y cyd â’r Adroddiad Contract diweddaraf a atodwyd wrth Adroddiad y Prif Weithredwr (gweler cofnod 84 uchod), ar ffurf adolygiad o’r cynnydd tuag at gyflawni’r pum blaenoriaeth allweddol ac yn nodi’r camau gweithredu ar gyfer cyflawni’r targedau a nodau sy’n weddill cyn diwedd y flwyddyn.

Cadarnhawyd bod gweithdrefnau Troseddau Pellach Difrifol yn unol â PC29/2008.

Penderfynwyd derbyn yr adroddiad a nodi’r cynnydd dan Gynllun Busnes 2009/10

88 – 2009/10 Adroddiadau Swyddogion

.1 Trysorydd a Chyfarwyddwr Cyllid a TGCh

.1 Monitro'r Gyllideb 2009/10

Mewn adroddiad ysgrifenedig, cyflwynwyd yr adroddiad monitro’r gyllideb gyfnodol ar gyfer y cyfnod 1 Ebrill i 30 Tachwedd 2009. Roedd yr adroddiad yn rhoi manylion am y gyllideb broffil, gwir wariant a gwariant ymrwymedig ac amrywiant. Adroddwyd bod y tanwariant rhagamcanol ar ddyddiad yr adroddiad yn £425,756 o dan benawdau cyflogau a chyfanswm y tanwariant a ragwelwyd ar gyfer diwedd y flwyddyn oedd £563,588. Yn amodol ar gymhwyso’r dyraniadau gan NOMS, roedd cyfanswm y tanwariant a ragwelwyd ledled Cymru ar gyfer ymddeoliadau cynnar/colli gwaith yn wirfoddol yn ystod y flwyddyn yn £1.2m.

Ynghlwm wrth yr adroddiad roedd adroddiad monitro cyfnodol y Prosiect Goruchwylio a Rheoli Dwys a oedd yn rhagweld tanwariant diwedd blwyddyn o £37,435. Byddai’r tanwariant hwn yn cael sylw ar frys gan yr uwch reolwyr a’i ystyried ymhellach yn y cyfarfod nesaf.

Penderfynwyd derbyn yr adroddiad

.2 Yr Ysgrifennydd

.1 Rhestr Ohebiaeth

Cyflwynodd yr Ysgrifennydd y Rhestr Ohebiaeth a dderbyniwyd ers y cyfarfod diwethaf. Mewn adroddiad ysgrifenedig, cyfeiriwyd at bresenoldeb arfaethedig yr Ysgrifennydd yng Nghyfarfod Contractau Ymddiriedolaethau’r Drydedd Don yn Llundain ar 15 Ionawr 2010 a Gweithdy Datblygu Ymddiriedolaethau yn Sheffield ar 29 Ionawr 2010.

Penderfynwyd derbyn y Rhestr Ohebiaeth a’r adroddiad llafar

89 – 2009/10 Materion er Gwybodaeth

.1 DP 03/09: Sicrwydd Gwybodaeth

Cafodd y cyfarfod sicrwydd llafar o gydymffurfiad yr Ymddiriedolaeth â’r camau gorfodol dan DP 03/09: Sicrwydd Gwybodaeth.

Penderfynwyd nodi cydymffurfio â DP 03/09

90 – 2009/10 Unrhyw Fater Arall

Nid oedd unrhyw faterion eraill.

Yn ôl i frig y dudalen