English

Deddf Cyfiawnder Troseddol 2003

Mae Deddf Cyfiawnder Troseddol 2003 (ynghyd â’r Ddeddf Troseddau Rhyw a’r Ddeddf Llysoedd) yn cyflwyno diwygiadau Cyfiawnder Troseddol y Llywodraeth.

Mae’r Ddeddf wedi golygu newidiadau sylweddol i’r dedfrydau carcharol ac angharcharol blaenorol ac wedi dylanwadu’n drwm ar waith y Gwasanaethau Prawf a Charchar.

Bu’r Ddeddf yn fodd i greu Dedfryd Gymunedol sengl newydd, sef y Gorchymyn Cymunedol ar gyfer troseddau a gyflawnwyd ar neu ar ôl 4 Ebrill 2005. Mae’r Gorchymyn Cymunedol wedi rhoi mwy o hyblygrwydd i’r Llysoedd wrth ddedfrydu trwy ganiatáu iddynt roi dedfrydau mwy priodol wedi’u teilwra ar gyfer troseddwyr unigol.

Bellach, gall Barnwyr ac Ynadon roi Gorchymyn Cymunedol ag un neu fwy o Ofyniadau, gan ddibynnu ar ddifrifoldeb y drosedd a’r posibilrwydd y bydd y troseddwr yn niweidio neu’n aildroseddu. Gall troseddwyr llai difrifol â risg isel gael eu dedfrydu i Orchymyn Cymunedol ag un gofyniad yn unig, ond mae angen tri neu fwy o ofynion ar gyfer troseddwyr mwy difrifol â risg uchel.
Mae yna ddeuddeg gofyniad i gyd, sef:

•Gweithgaredd – er enghraifft, addysg, hyfforddiant a phecynnau cyflogaeth.
•Triniaeth alcohol – mae'n ofynnol i droseddwyr fynychu sesiynau triniaeth er mwyn lleihau neu ddileu dibyniaeth ar alcohol.
•Canolfan Fynychu (os yw’r troseddwr dan 25 oed) – rhaid i’r troseddwr fynychu canolfan fynychu am rhwng 12 a 36 awr.
•Cwrffyw - (ynghyd â monitro electronig) – rhaid i’r troseddwr aros mewn lle penodol yn ystod adegau penodol o’r dydd, er enghraifft, gall troseddwyr a gafwyd yn euog o fwrgleraeth yn y nos gael eu cyfyngu i’w cartref yn ystod oriau’r nos.
•Gofyniad adsefydlu cyffuriau – mae’n ofynnol i droseddwyr gael triniaeth i leihau neu ddileu eu dibyniaeth ar gyffuriau neu eu tuedd i’w camddefnyddio.
•Eithrio – ni all y troseddwr fynd i le penodol am gyfnod o hyd at ddwy flynedd. Gall hyn gynnwys strydoedd neu siopau penodol.
•Triniaeth iechyd meddwl – gall y troseddwr dderbyn triniaeth am broblem iechyd meddwl.
•Gweithgaredd gwaharddedig – byddai'r troseddwr yn cael gorchymyn i atal rhag cymryd rhan mewn gweithgareddau ar ddiwrnod neu ddiwrnodau penodol neu ystod cyfnod penodol.
•Rhaglen – mae'r rhain yn rhaglenni cydnabyddedig wedi’u cynllunio i fynd i’r afael â’r agweddau a phatrymau ymddygiad sy’n cyfrannu at droseddu.
•Gofyniad preswylio – byddai’r troseddwr yn cael gorchymyn i fyw mewn lle penodol, er enghraifft mewn adeilad gwarchod (hostel).
•Gofyniad archwilio – mae’n ofynnol i’r troseddwr fynychu apwyntiadau gyda’r Gwasanaeth Prawf.
•Gwaith di-dâl - bydd troseddwyr yn gwneud gwaith di-dâl o rhwng 40 a 300 awr.

Hefyd, bwriedir cael fframwaith newydd ar gyfer dedfrydau carcharol trwy garchariad a mwy a charchariad a llai.

Cliciwch yma u gael copi o Bennod 44 o’r Ddeddf.

Yn ôl i frig y dudalen