|
Gorfodi
Mae ymchwil wedi dangos fod dedfrydau sy’n cael eu gorfodi yn effeithiol
yn fwy tebygol o lawer o gael eu cwblhau gan droseddwyr a’u bod
yn llai tebygol o aildroseddu. Nodir y meini prawf ar gyfer gorfodi Gorchmynion
Cymunedol a Thrwyddedau yn glir yn y Gwasanaeth Prawf Cenedlaetholi, ac
mae’r Swyddfa Gartref yn pennu targedau heriol i Ardaloedd Prawf
ar gyfer cyflawni hyn. Yn Nyfed-Powys rydym yn cyflawni’r targed
hwn ar hyn o bryd.
Felly, mae gorchmynion Cymunedol a Thrwyddedau yn cael eu gorfodi'n llym.
Bydd unrhyw droseddwyr sy’n ymddwyn yn annerbyniol neu’n methu
mynychu apwyntiadau yn cael eu cymryd yn ôl i’r Llys. Fel
canlyniad, gall eu dedfryd wreiddiol gael ei chynyddu neu gallant gael
eu hanfon i garchar.
I droseddwyr sy’n bwrw gweddill eu tymor carcharol dan amodau trwydded,
mae methu mynychu neu droseddu pellach yn golygu eu bod yn cael eu galw
nôl i garchar o fewn 24 awr – neu o fewn dwy awr os ystyrir
eu bod yn beryglus. Mae’r broses hon yn osgoi’r Llysoedd (ac
eithrio troseddwyr ifainc). Wedyn bydd troseddwyr yn bwrw gweddill tymor
eu dedfryd, ynghyd ag unrhyw amser ychwanegol ar gyfer troseddau pellach
pan fo hynny’n berthnasol.
Yn
ôl
|
