English

Recriwtio

Ydych chi eisiau gyrfa sy'n werth chweil ac a fydd yn gwneud gwir wahaniaeth i fywydau pobl yn ogystal â diogelu ein cymunedau?

Gall Ymddiriedolaeth Prawf Dyfed Powys gynnig:
• Gwaith sy’n rhoi boddhad,
• datblygiad gyrfa strwythuredig,
• y cyfle i ymuno â sefydliad proffesiynol.

Trwy ganolbwyntio ar berfformiad a gwneud yn well na llawer o’n targedau, rydym wedi dyrchafu i fod yn Ymddiriedolaeth Prawf flaengar, a symud yn nes at ein gweledigaeth o fod yn un o’r sefydliadau gorau oll wth i ni warchod y cyhoedd a lleihau troseddu. Rydym am i chi weithio gyda dros 200 o staff ymroddedig, gan chwarae rhan allweddol wrth wneud Dyfed-Powys yn lle mwy diogel.

Mae Ymddiriedolaeth Prawf Dyfed Powys wedi ymrwymo’n gryf i bolisi o gyfle cyfartal ac mae yn erbyn pob math o wahaniaethu. Mae croeso i geisiadau o bob rhan o’r gymuned, a dewisir ymgeiswyr ar sail eu gallu i ymgymryd â dyletswyddau’r swydd.

SWYDDI YN Y GWASANAETH PRAWF CENEDLAETHOL

Prif Weithredwr Prif Swyddog Cynorthwyol Rheolwr Adrannol Swyddog Cosb yn y Gymuned Swyddog Prawf Swyddog Gwasanaeth Prawf

Gweithiwr Hostel Goruchwyliwr Cosb yn y Gymuned Gweinyddwr/aig Swyddog Prawf dan hyfforddiant Staff Gweinyddol

Cynllun Swyddog Prawf dan Hyfforddiant

Y Diploma mewn Astudiaethau Prawf yw’r cymhwyster proffesiynol sy’n rhoi statws Swyddog Prawf i hyfforddeion llwyddiannus yn amodol ar gyflogaeth gan Fwrdd Prawf. Mae’r Diploma yn gymhwyster academaidd a galwedigaethol cyfunol sy’n ymofyn bod hyfforddeion yn ennill Gradd Addysg Uwch sy’n cynnwys NVQ Cyfiawnder Cymunedol ag unedau perthnasol o Safonau Galwedigaethol Cyfiawnder Cymunedol. Cafodd y Rhaglen yng Nghymru ei chymeradwyo gan Sefydliad Hyfforddi Cenedlaethol Cyfiawnder Cymunedol ar ran yr Ysgrifennydd Cartref.

Mae gan y Gyfarwyddiaeth Brawf Genedlaethol gontract gyda Phrifysgol Cymru Casnewydd ar gyfer darparu BA (Anrh.) mewn Cyfiawnder Cymunedol (Prawf). Cafodd y radd ei dilysu gan Brifysgol Cymru a chaiff ei darparu yn rhannol gan staff Prifysgol Cymru, Bangor. Bydd y dulliau addysgu yn cynnwys dysgu o bell; gweithdai preswyl Cymru-gyfan yng Ngregynog, ger y Drenewydd yng Nghanolbarth Cymru (cyfanswm o 18 niwrnod yn ystod y cyfnod hyfforddi); a mynychu Campws Allt-yr-ynn ym Mhrifysgol Cymru Casnewydd, a Phrifysgol Cymru Bangor.

I gael rhagor o wybodaeth, byddwch cystal â chlicio yma -

www.probation.walestraining.gov.uk/officer/training_programme.html

Yn ôl i'r brig